Tanganrakyat.id, Mandailing Natal, – Inang inang pangajian rutin wirid maryasin tiop malam Jumat i Desa Panyabungan Jae mandokon siap mandukung Calon Bupati Kabupaten Mandailing Natal ima Harun Mustafa Nasution dot Wakilna Ichwan Husein Nasution.
Dukungan dohot doa nai lehen ni inang inang on isampeon kalai pas ro Harun dot rombongan tu pangajian i borngini malom Jumat (17/10/2024).
Na malehen hata dot poda ni sude inang inang i isampeon Hj Faridah Hasibuan ma tu Harun Mustafa, bahaso alai mangucapkon tarimokasi harana mai sompatkon Harun ro martandang tu pangajian ni alai i.
“Job do roha nami baya i sompatkon komu dope ro tuson ma borngin ari,” ima idokon inanta Hj Faridah.
Torus, inang inang na lain nai pe inda lupa alai mandoahkon anso Harun Mustafa monang i pamilian Bupati on.
“Onma jita nomor 1, mudah mudahan monang, amin, harana alakna pe na mamboto agama do dohot na paduli tu hita do masyarakat on,” ning inang inangi.
I pabotohon, bahaso Harun Mustafa on paompu ni tuan Syekh Musthofa Husein, ulama na godang sian tano Mandailing on, ima na pajongjongkon pondok Pesantren Musthafawiyah Purba Baru. Pesantren na paling tobang dot na paling godang i Pulau Sumatera on. Goarna nai pe terkenal di tano Sumatera on.
Comment